Ashtu siç ishte njoftuar dhe më parë, sot ka ardhur prezantimi i trajnerit të ri të Skënderbeut. Presidenti Ardian Takaj ka emëruar Orges Shehin si timonierin e skuadrës. Fakti që Shehi ka qenë deri në edicionin e fundit “gardiani” i korçarëve i ka bërë drejtuesit që të besojnë tek ai se mund të bëjë mirë dhe si drejtues, pasi e njeh mirë ambientin dhe me eksperiencën që ka mund ta ndihmojë skuadrën në këto momente që duhet thënë nuk janë ndër më të mirat.
Shehi ka një detyrë kjo të lehtë në nisjen e karrierës si trajner, pasi duet që të ndërtojë një skuadër që të mos ulë pretendimet. Do të jetë një misin i vështirë, pasi pjesa më e madhe e lojtarëve titullar janë larguar.. Kjo është eksperienca e parë se ish-portierit si trajner.
“Kam besim se Shehi do të bëjë mirë edhe si trajner pasi ka mjaft përvojë. Skënderbeu do të kërkojë sërish titullin kampion, por ne luftën tonë e kemi me UEFA-n, të cilën kemi shumë besim se do arrijmë ta fitojmë. Në merkato presim të afrojmë lojtarë të rinj, në mënyrë që t’i shesim në të ardhmen”, është shprehur mes të tjerash presidenti Takaj, gjatë prezantimit të trajnerit të ri.