E kërkuam gjatë për të luajtur për Shqipërinë, më pas e priti edhe Kosova, por Valon Behrami nuk e braktisi Zvicrën.
Tani mesfushori nga Mitrovica, adhurues i tatuazheve, vizaton në trupin e tij jetën e vet, nga koha kur ishte fëmijë dhe luante me top rrugëve të Mitrovicës, deri te bombardimi i Serbisë nga NATO.
Një djalë i vogël nën Urën e Ibrit me një top në këmbë, disa plumba poshtë urës dhe disa aeroplanë që fluturonin mbi qytetin e Mitrovicës janë vizatuar në njërën nga këmbët e 32-vjeçarit, i cili në karrierën e vet ka luajtur në Zvicër, Itali, Gjermani e Angli.
