Futbollisti italo-argjentinas Zhoze Mauri po përgatitet për të provuar një eksperiencë jashtë Italisë. Mesfushori u ble nga Milani në verën e 2015-ës, pas një sezoni të mirë me skuadrën e Parmës, por kalimi te kuqezinjtë rezultoi i gabuar për futbollistin shtatshkurtër.
Në tre sezonet që Mauri ka qenë pjesë e Milanit, ai është aktivizuar 10 herë, shifër kjo që mjafton për të treguar se sa zhgënjyes ka qenë lojtari për ekipin e “djallit”.
Sipas “sportmediaset”, 22-vjeçari është shumë afër akordit me klubin meksikan Kruz Azul. Milani nuk do të përfitojë asnjë qindarkë nga kjo transfertë, pasi kontrata e mesfushorit mbaron në fund të sezonit.