Presidenti i UEFA-s, Ceferin, ka ardhur në Tiranë për të vendosur qetësi në vend pas situatave të kohëve të fundit. Politika është futur e gjitha në lojë për të ndikuar në garën e presidentit të FSHF.
Ndërkohë pas ardhjes së Ceferin është marrë garancia nga kryeministri Rama se politika do të tërhiqet, ndërsa si garanci për zgjedhjet e ardhshme do të jenë përfaqësues të UEFA-s.
Kjo ardhje e Ceferin ka marrë vëmendje edhe të mediave të huaja. “Associated Press”, “Washington Post”, “Tsn”, “AP” e kanë hapur raportimin e lajmit të tyre me të njëjtin titull: “UEFA e do politikën jashtë futbollit në Shqipëri”. /Sport Ekspres/