Nexhipi në 360 gradë: Torpedo, Cungu, merkato dhe titulli

0

Humbja 5-2 me Torpedo Kutaisin djeg ende. Prej mënyrës sesi sfida doli nga konteksti i futbollit. Drejtori sportiv i Kukësit, Nderim Nexhipi analizoi atë që ndodhi dhe qetësoi ambientin pas deklaratave të trajnerit Cungu, që krijoi idenë e largimit. Në intervistën për “Super Sport”, ish-fantazisti u shpreh besimplotë te mrekullia, ndërsa analizoi edhe merkaton dhe shprehu hapur synimet për titullin.

HUMBJA – “Nuk ishim gati më tepër në aspektin psikoligjik, sepse kishim shumë mangësi gjatë udhëtimit. Na u shkaktuan shumë probleme të pazakonta, sepse tre lojtarë kyç të tanët nuk ishin me ekipin. Ne kishim shumë momente të mira në ndeshje, si në asnjë nga përballjet e kaluara, por nuk ditëm të shënonim. Rexhinaldo kishte shume raste, por nuk mund ta fajësojmë, sepse i’u bashkua ekipit vetëm ditën e ndeshjes. Ajo kaloi, por edhe pse është tepër e vështirë dhe për disa duket e pamundur, tani vjen ndeshja e kthimit. E pamë kualitetin e Tordos dhe e dimë, që mund ta kalojmë. Duhet të kemi shumë besim të bëjmë mrekullinë. U bëj ftesë tifozëve, që të na mbështesin, pasi kemi vuajtur shumë për gjëra që nuk kanë lidhje me futbollin, për të na e marrë ndeshjen me mënyra të tjera. I kërkuam ndihmë edhe UEFA-s, diçka që erdhi, por kishte shumë gjëra që nuk shkuan ato ditë”.

CUNGU – “Ishin deklarata të nxituara nga ana e tij, por trajneri e di që nuk ka shumë përgjegjësi, pasi ai ka ardhur në një kohë kur luanim në Europë dhe nuk ka bërë zgjedhje të tijat për lojtarët. Kjo çështje do të mbyllet. Unë e theksoj se në grup kemi kualitet dhe me dy afrime të tjera do të rritemi akoma. Këtij grupi duhet ti jepet kohë dhe besim”.

MERKATO – “Të gjithë e njohim Cuculin, i cili në tre vitet e fundit ka luajtur te Shkëndija dhe ka qenë ndër lojtarët kyç të sukseseve të ekipit. Kam njohje dhe kam luajtur me të dhe bëra maksimumin ta sjell të ekipi i Kukësit. Me eksperiencën e tij, do ta rritë edhe më shumë nivelin dhe është një përforcim shumë i madh për ekipin. Oumar Ture është një mesfushor 20-vjeçar në pronësi të Juventusit, që do të huazohet dhe vjen të dielën me ekipin. Vitin e kaluar ka qenë i huazuar në Austri. Arritëm të gjenim marrëveshjen dhe është një plus i madh për ne, pasi po sjellim një futbollist, i cili do të provojë të tregojë veten. Nëse trajneri Cungu do të kërkojë lojtarë edhe në reparte të tjera, me presidentin do të bëjmë të pamundurën t’ia plotësojmë kërkesat”.

TITULLI – “Besoj që kemi kualitet dhe tani me ardhjen e Cuculit do të jemi pretendentë kryesorë për titullin. I dimë pretendimet e presidentit Gjici. Por, duhet të nisë kampionati, të shohim edhe rivalët. Gjithsesi do të përqendrohemi te ekipi ynë dhe kam besim se në fund do t’ia dalim”.

You might also like
Leave A Reply

Your email address will not be published.