Në pritje të përforcimeve nga Italia, Partizani provon një malazez

0

Sapo ka zyrtarizuar Blerim Kotobellin, por duket se Partizani vazhdon të kërkojë mbrojtës të majtë, çuditërisht.

Sot klubi i kuq ka afruar në stërvitje mbrojtësin malazez Nikola Çelebiç, i cili do të qëndrojë pak ditë në provë.

Bëhet fjalë për një mbrojtës 27-vjeçar, i cili ka luajtur kryesisht në kampionatin malazez, por ka provuar edhe kampionatin serb dhe atë boshnjak.

Në sezonin aktual e nisi me Radnik Bijeljinan në Bosnje, duke qenë titullar edhe në ndeshjet e turit të parë në Europa League, por pas shtatorit nuk luajti më.

Në janar u kthye në Mal të Zi, duke luajtur titullar me Gërbaljin dhe duke shkuar deri në finalen e humbur të kupës së Malit të Zi.

Mbrojtës pozicionin, me një të majtë të saktë, Çelebiç shpreson të impresionojë Starovën, edhe pse duket një lëvizje e çuditshme, tani që në krahun e majtë është afruar Kotobelli.

You might also like
Leave A Reply

Your email address will not be published.