Roko Komiso nuk e fsheh ambicien e tij. Presidenti i ri i Fiorentinës e di që ekipi dhe trajneri Montela kanë nevojë për kohë, por objektivat duhet të jenë të qartë.
Qyteti i Firences duhet të jetë krenar për Fiorentinën dhe loja e bukur nuk duhet të mungojë. Më pas trofetë, ëndrra e madhe dhe “thumbimi” ndaj Milanit. Paratë duhen shpenzua me kujdes dhe jo siç bënë kuqezinjtë.
“Dua të ndërtoj një skuadër që e bën Firencen krenare. Pretendoj një punë të madhe dhe në një kohë të shkurtër dua të shoh lojën e bukur. Ëndërroj të fitoj trofe, nuk e fsheh. Duhet të jemi të kujdesshëm dhe të mos përsërisim gabimet e skuadrave të tjera si Milani, që shpenzoi 200 milionë euro dhe nuk arriti asnjë rezultat”, thekson Roko Komiso.