Gjergj Stefa ishte i ftuar në emisionin “Ora Sport” që transmetohet në “Ora News”. Teksa në një lidhje live ishte Alban Xhaferi, Stefa e ka vlerësuar presidentin e ri të Vllaznisë që më herët ishte në statusin e sponsorit. Me ardhjen e Xhaferit te shkodranët diskutohet për titullin kampion, ndryshe nga gjendja që gjeti Albani, ku llogaritë ishin për vendet e fundit.
“Ne gazetarët nuk themi fjalë të mira, themi pak, më shumë kemi sensin e kritikës. Por rasti i Alban Xhaferit është habi e madhe, nuk ke thuajse asgjë për ta kritikuar. Ka dy vite dhe njihet për balancat positive, ka fisnikëri, komunikim, marrëdhënie të mira me drejtuesit e tjerë dhe qytetin. Rrallë kemi parë njerëz që kanë hyrë kaq të gatshëm për t’u përshtatur. Titulli kampion nuk vendoset nga Albani pastaj, por nga konkurrenca”, tha Stefa. /Sport Ekspres/