Ndeshja përmbyllëse e turneut në Kroaci, Shqipëria U-16 mund Maqedoninë e Veriut me 10 lojtarë

0

Kombëtarja shqiptare U-16 ka zhvilluar sot ndeshjen përmbyllëse në turneun ndërkombëtar “Vlatko Markovi?” në Kroaci. Kuqezinjtë e drejtuar nga trajneri Agron Kërçova luajtën ndaj Maqedonisë së Veriut në Zagreb në sfidën simbolike të vlefshme për vendin e 7-të të turneut. 16-vjeçarët shqiptarë arritën të triumfojnë pas gjuajtjeve nga penalltitë me rezultatin 4-3, ndërsa koha e rregullt përfundoi me rezultatin e barabartë 0-0.

Formacioni titullar i Shqipërisë U-16 në këtë takim ishte ky: Koçi, Selmani, Çela, Damini, Belloj, O’Boyle, Jaku, Kurti, Isufi, Bode, Laze.
Përfaqësuesja shqiptare bëri një paraqitje të mirë ndonëse nuk mundi dot të gjente rrugën e rrjetës përgjatë 90 minutave. Kuqezinjtë patën disa raste të pastra dhe madje edhe dy momente të diskutueshme që mund të ishin dhënë penallti në favorin tonë. Gjatë ndeshjes trajneri Kërçova hodhi në fushën e lojës futbollistë si Metaj, Koleci, Iftica, Ferraj dhe Meçe, ndërkohë që në minutën e 74-t skuadra jonë mbeti me 10 lojtarë pas daljes me karton të kuq të Belloj (dy kartonë të verdhë).

You might also like

Leave A Reply

Your email address will not be published.