Humbja në shtëpi kundër Selta Vigos me rezultatin 2-3 ka rezultuar fatale për trajnerin e Vijarealit. Klubi spanjoll ka vendosur të shkarkojë nga detyra Havier Kajeha. 40-vjeçari ka punuar me të gjithë ekipet e Vijarealit, duke nisur nga ato të moshave.
Ai nisi punën si trajner i ekipit të parë me datë 25 shtator të vitit të kaluar. Gjatë merkatos së verës “nëndetësja e verdhë” shpenzoi rreth 50 milionë euro në merkato, por paraqitjet e ekipit kanq qenë zhgënjyese.
Vijareali renditet në vendin e katërt nga fundi me 14 pikë, tre më shumë se zona e rënies nga kategoria. Drejtuesit e klubit po punojnë për të gjetur trajnerin e ri dhe zyrtarizimi i tij do të vijë në orët në vijim.