Sipas medieve italiane, më saktësisht “Sky Sport”, Torino ka refuzuar ofertën e Milanit prej 40 mln eurosh dhe kartonin e Niangut, por i ka bërë një kundërpropozim: 70 mln euro dhe kartonat e Niangut dhe Zapatës. Praktikisht, diku afër 90 milionë eurove, pasi francezi vlen 17-18 mln euro, ndërsa mbrojtësi jo më shumë se 3 mln euro. Kështu, nga pretendimi për 100 mln euro, Torino është ulur pak, por kuqezinjtë s’kanë ndër mend që të paguajnë atë shifër, për momentin… Të shohim. Sakaq, kanë nisur kontaktet me Lionin për Tolison, edhe pse vlera e mesfushorit është të paktën 40 mln euro.