Skënderbeu do të luajë miqësoren e tretë kundër Teutës, pasditen e sotme, në orën 18:00. Takimi do të zhvillohet në stadiumin e korçarëve. Trajneri Orges Shehi dhe tekniku Bledi Shkëmbi do të shohin gjendjen e ekipeve të tyre.
Ky është testi i 3-të miqësor për skuadrën e “ujqërëve” pas fitores me Maliqin 3-0 dhe barazimit pa gola me Renovën. Tekniku Shehi me shumë mundësi do të hedhë në fushën e lojës dhe futbollistët që iu bashkuan me vonesë ekipit.
Marko Radas, Gjergji Muzaka dhe Kristi Vangjeli me shumë mundësi do të “debutojnë” nën urdhrat e trajnerit Orges Shehi. Të 3 u përfolën për t’u larguar nga Korça, por në fund gjetën gjuhën e përbashkët me presidentin Ardjan Takaj dhe u kthyen në “strofull”.