Milani e mbylli sezonin në vendin e pestë në Serie A, duke mbetur jashtë zonës që të çon në Champions League. Për këtë arsye, buxheti i kuqezinjve për merkaton e verës pritet të jetë shumë i vogël.
Nisur nga ky fakt, drejtuesit e Milanit mund te detyrohen të shesin disa nga yjet kryesorë të ekipit. Njëri prej tyre është padyshim Suso. Siç raportohet nga mediat në Itali, spanjolli mund të kalojë në radhët e Atletiko Madrid.
Marrëveshja pritet të mbyllet brenda muajit qershor, me Milanin që do të përfitojë plot 40 milionë euro. Kjo shumë do t’i jepte një frymëmarrje të madhe financave të klubit kuqezi.