Tani është zyrtare: Andrea Bertolaçi transferohet nga Milani te Xhenoa dhe lajmin e ka dhënë klubi gjenovez, që e ka marrë mesfushorin 26-vjeçar në huazim për një vit.
?? Il Genoa Cfc comunica di aver formalizzato l’acquisizione a titolo temporaneo del centrocampista Andrea @Bertolacci ?? #calciomercato pic.twitter.com/MwgWwaeJnG
— Genoa CFC (@GenoaCFC) July 15, 2017
Bertolaçi, 5 ndeshje me kombëtaren, kthehet aty ku shkëlqeu në periudhën 2012-2015, duke luajtur 88 ndeshje e shënuar 12 gola.
Mesfushori do të mundohet të rigjejë shkëlqimin që kishte në Xhenova dhe Milani shpreson të njëjtën gjë, pasi një sezon i mirë në Liguria do të bënte që Bertolaçi të shitej dhe të rikuperohej një pjesë e madhe e 20 milionëve të paguara për të.
Ndërkaq, ka probleme për transferimin e sulmuesit Xhanluka Lapadula nga Milani te Xhenoa. Sulmuesi pritej në grumbullimin e Xhenoas, por kanë lindur probleme që ende nuk janë të qarta, ndaj nuk dihet a do të kompletohet transferimi.