Lionel Mesi është duke shijuar trofeun më të rëndësishëm që ka fituar në karrierën e tij, atë të Kupës së Botës. 7 herë fituesi i Topit të Artë ndodhet në Argjentinë së bashku me familjen e tij dhe nuk ka ndër mend të kthehet prej andej brenda këtij viti.
“Pleshti” ka marrë pushimet pas Kupës së Botës, teksa do të kalojë edhe Vitin e Ri në Argjentinë dhe në 3 janar do i bashkohet PSG-së. Mesi do të humbasë 3 ndeshje me ekipin e tij, por do të jetë gati për sfidën që do të luhet kundër Angers në 11 janar./Sport Ekspres/