Mesi, fraza të rënda arbitrit në pushimin e ndeshjes

Të jesh Leo Mesi ka disa avantazhe, si për shembull të shkosh tek arbitri dhe t’i thuash çfarë mendon pa u shqetësuar se mund të marrësh ndonjë karton.

Ylli i Barcelonës ishte shumë nervoz në përfundimit të pjesës së parë në El Clasico, pas karton të kuq dhënë Sergi Robertos, ndaj në tunelin drejt dhomave të zhveshjes protestoi tek arbitri.

Disa portale në Spanjë kanë raportuar se Mesi ka lëshuar fraza të rënda, si kjo: “Ti po e bën në brekë nga frika, vazhdo t’i ndihmosh”.

Problemi është se Mesi e kishte marrë një karton të verdhë në pjesën e parë, por asnjë ndeshkim për fraza të tilla, që janë konfirmuar edhe nga kapiteni i Realit Sergio Ramos: “Pati pak rrëmujë në pushim, Mesi ushtroi presion mbi arbitrin. Nuk e di a kishte kamera, por mund të ketë pamje filmike. Mirë është që çfarë ndodh në fushë të mbetet në fushë”.