Feronikeli në Kosovë ka bërë revolucion këtë verë, sepse ka ndryshuar shumë lojtarë dhe është përforcuar ndjeshëm, duke dalë hapur me synimet për të fituar titullin në Kosovë.
Klubi nga Drenasi nuk ka mbaruar ende me përforcimet, sepse vazhdon të afrojë lojtarë dhe të investojë edhe për të ardhmen.
Sot skuadra e drejtuar nga Sulejman Starova është përforcuar me mbrojtësin Prins Balde, futbollist 20-vjeçar nga Liberia.
Para se të transferohej te Feronikeli, Balde ka luajtur te Monrovia Club Breëeries, në Liberi, ku kampionati është amator në fakt dhe nuk dihet ende cilësia e Baldesë, edhe pse duhet theksuar se ishte ndër lojtarët më të talentuar të kampionatit në vendin e varfër afrikan.