Ndeshjet e ditës së sotme kanë rezervuar nga tri pikë për të gjitha skuadrat e Serie B që kanë futbollistë shqiptarë në gjirin e tyre.
Peskara e Ledian Memushajt ka fituar me rezultatin 2 – 0 ndaj Padovës, ndërsa me të njëjtat shifra ka fituar dhe Breshia e Emanuele Ndojit kundër Krotones. Të dy mesfushorët kuqezi ishin pjesë e formacionit titullar.
Tre pikë të arta mori dhe skuadra e Kozencës, ku luan qendërmbrojtësi Kastriot Dermaku. Futbollisti i kombëtares sonë u ndëshkua me të kuqe në minutat e fundit të ndeshjes, por trajneri Piero Bralja nuk e kryqëzoi lojtarin e tij, duke u shprehur pas takimit: “Bëri atë që duhej të bënte”.
Peskara 2-0 Padova
Breshia 2-0 Krotone
Peruxha 0-1 Kozenca