Rexhep Memini i ka sheshuar të gjitha mosmarrëveshjet me skuadrën e Kukësit dhe që nga sot do të jetë me skuadrën e parë në stërvitje. Mbrojtësi durrsak u stërvit për disa ditë me radhë me skuadrën e dytë të kampionëve, një vendim i teknikut Milinkoviç ky pas ndeshjes së parë me Egnatian. “Sport Ekspres” mëson se lojtari dhe klubi janë ulur para ndeshjes me Skënderbeun dhe gjithçka është normalizuar, duke bërë që mbrojtësi të jetë sërish pjesë e skuadrës së parë të verilindorëve.