Ylber Ramadani është përshtatur mjaft mirë në radhët e Leçes. Mesfushori shqiptar ka bërë që mungesa e një futbollisti të rëndësishëm si Hjulmand të mos ndihet aspak te verdhekuqtë. Në një intervistë të dhënë për “Pianetalecce.it”, Romeo Papini ka vlerësuar lart futbollistin e Kombëtares shqiptare. Ish-kapiteni i Leçes ka thënë se Ramadani ia del t’i bëjë mjaft mirë të dyja fazat e lojës dhe është një lojtar kyç në mesin e fushës.
“Më pëlqen shumë. Ai ia del t’i kombinojë të dyja fazat. Në ndeshjet që kam parë, ka bërë shumë mirë. Është lojtar kyç në mesin e fushës. Ishte një tjetër intuitë e madhe e dyshes Korvino-Trinçera. Nuk ishte e lehtë për të zëvendësuar Hjulmandin”, ka deklaruar Romeo Papini./Halit Delibashi-Sport Ekspres/