Më në fund: Argjentina pushon nga puna Sampaolin

0

Horge Sampaoli nuk është më trajner i Argjentinës dhe tashmë mungon vetëm njoftimi zyrtar.

Federata Argjentinase është menduar gjatë, fillimisht vendosi ta konfirmonte trajnerin edhe për pak kohë, për të kursyer, por presioni popullor ka qenë i madh dhe vazhdimi me një trajner që dështoi në Botëror ishte rrezik shumë i madh.

Gazeta Ole në Argjentinë raporton se presidenti u Federatës Tapia u takua me avokatin e Sampaolit dhe gjeti marrëveshjen financiare, me trajnerin që do të marrë 2 milionë dollarë për largimin.

Nëse nuk gjendej marrëveshje, do të merrte të paktën 4 milionë, ndërsa nëse largohej vitin e ardhshëm do të merrte 1 milion, por nuk mund të pritje aq gjatë.

Në këtë mënyrë, merr fund një epokë e dështuar, me një Botëror skandaloz për Argjentinën, që u përfshi nga problemet e brendshme dhe nga rrëmuja në bërjen e formacionit dhe lojës në fushë.

Tani nis gara për gjetjen e pasuesit dhe në Argjentinë ëndërrojnë Diego Simeonen, por El Cholo ka kontratë me Atletikon e Madridit.

You might also like
Leave A Reply

Your email address will not be published.