Në ditën e sotme është mbyllur edhe ankandi për shitjen e emrit të kampionatit të futbollit në Shqipëri, “Kategoria Superiore”. Në këtë ankand janë kualifikuar dy shoqëri për në fazën e fundit, “Banka OTP Albania sh.a” dhe “Abissnet sh.a”. Në fund ajo që ka fituar të drejtën ishte “Abissnet sh.a” që dha ofertën prej 54 milionë lekësh. /Sport Ekspres/
Njoftim Fituesi
Ankandi për emrin e kampionatit të futbollit “Kategoria Superiore”
Sot më datë 03.06.2021, u zhvillua Ankandi për shitjen e emrit të kampionatit të futbollit “Kategoria Superiore”. Në Ankand u kualifikuan që të merrnin pjesë dy shoqëri, ajo “Banka OTP Albania sh.a.” dhe “Abissnet sh.a.” .
Vlera fillestare e Ankandit ishte 50 milionë Lekë. Në përfundim të tij, fitues u shpall shoqëria “Abissnet sh.a.” e cila e fitoi të drejtën e emrit të kampionatit të futbollit “Kategoria Superiore” për tre sezonet në vjim 2021–2022, 2022–2023 dhe 2023–2024 me vlerën 54 Milionë lekë.