Mbrojtësi i Realit të Madridit, Raphael Varane, ka deklaruar se do të largohet nga skuadra merkaton e verës. Mediat spanjolle deklaronin se destinacioni më i mundshëm i francezit do të ishte Manchester United, por orët e fundit flasin për një transferim të tij tek Paris Saint Germain. Portalet franceze raportojnë se shifra e kësaj tratative do të jetë afërsisht 65 milionë euro.
Me blerjen e Varane, PSG do të rriste akoma më shumë kualitetin në organikën e saj, teksa në këtë skuadër luajnë yje si Mbappe, Neymar e Icardi. Nga ana tjetër, drejtuesit e kësaj skuadre duhet të heqin dorën nga një prej mbrojtësave qëndrorë, Marquinhos ose Kimbepe në mënyrë që t’i sigurojnë Varane pozicionin e titullarit./Elio Hajdari-Sport Ekspres/