Kukësi ka zhvilluar sezonin më të dobët në Superiore duke mos arritur as në Europë. Verilindorët ndodhen në “mesin e artë” duke mos luftuar për asnjë objektiv të vetëm kur jemi në ndeshjet e fundit të kampionatit shqiptar. Kur flitet për mbijetesën, Artan Hoxha është shprehur se Kukësi do ta vendosi garën pasi në tre ndeshjet e fundit do të përballet me Bylisin, Skënderbeun dhe Kastriotin.
“Kjo fitorja e Kukësit sot e bën gjendjen e komplikuar. Tani Kukësi nuk shkon as lart dhe nuk rrezikon as poshtë. Por Kukësi që luan pa asnjë objektiv, do të luajë me tre ekipet që luftojnë për mbijetesë. Tani varet se ku do Kukësi që ta shtrëngoj dhe ku do ta lirojë. Duhet që të jetë Fair me të treja. Kukësi do të vendos për mbijetesën, por nuk duhet ta vendosi fatin padrejtësisht, duhet të jetë i ndershëm”, tha Hoxha. /Sport Ekspres/