Malmo është shpallur sërish kampione e Suedisë, për të dytin vit rresht, 4 herë në 5 vitet e fundit dhe 23 kampionate në total. Një klub gjigant, që konfirmohet më i madhi në Suedi, ndërkohë që dje festimet në stadium kanë qenë të jashtëzakonshme.
Mbi 23 mijë tifozë ishin në “Swedbank Stadion” për të festuar, ndërkohë që i pranishëm ishte edhe Zllatan Ibrahimoviç, i cili është kthyer në Suedi enkas për të festuar me ish-skuadrën e tij, ku është rritur si futbollist.
