Viti i ri ka nisur shumë keq për Totenhemin, që nga java në javë po humbet titullarë të rëndësishëm, ndërkohë që klubi nuk po bën asnjë lëvizje në merkato.
Kapiteni i Anglisë Herri Kejn u dëmtua në sfidën kundër Mançester Junajtid këtë muaj dhe pritet të kthehet në mars, ndërsa sulmuesi Heung-min Son është me Korenë e Jugut në Kupën e Azisë dhe do të mungojë disa javë.
Tani vjen goditja e radhës: mesfushori Dele Alli ka pësuar një dëmtim në kofshë dhe pas kontrolleve mjekësore, klubi ka bërë të ditur se ylli i kombëtares angleze do të mungojë të paktën deri në mars.
Këtë të enjte Totenhemi do të përballet me Çelsin në gjysmëfinalen e kthimit për Kupën e Ligës, ku i duhet të mbrojë avantazhin 1-0 nga ndeshja e vajtjes.