“Pas konsultimeve me mjekë të ndryshëm, kam vendosur të tërhiqem nga futbolli”. Kështu shkruhej sot në faqen në Facebook të sulmuesit të Lester Sitit Rijad Mahrez. Një lajm i bujshëm, sepse Mahrez shënoi javën e shkuar për Lesterin dhe dukej se kishte lënë pas gjithë problemet me klubin, që refuzoi ta shiste në janar, edhe pse mori 4 oferta nga Mançester Siti.
Megjithatë, ka qenë gjithçka një rreng i punuar nga ndonjë haker në internet, që ka dashur të zbavitet ose t’i hapë probleme algjerianit të njohur, i cili ka pasur probleme pa fund me Lesterin këtë sezon dhe para disa javësh u zhduk dhe nuk u paraqit për disa ditë në stërvitje, për shkak se Lester Siti refuzoi ta shiste.