Klubi i Tomorit nuk e ka pritur mirë dënimin nga Komisioni i Disiplinës, me këta të fundit që kanë dënuar klubin beratas me gjobë 200 mijë lekë, 4 ndeshje në fushë asnjanëse dhe humbje 3-0 në tavolinë përballë Apolonisë. Gjatë ditës së djeshme, klubi i Tomorit njoftoi se sot do të dilnin në konferencë për shtyp, ku do të tregonin pikëpamjet e tyre në lidhje me dënimin.
Sot, shefi i klubit të Tomorit, Alban Pambuku ka dalë në konferencë, ku ka shtruar problemet dhe i është përgjigjur FSHF-së për dënimin. Duke siguruar që të gjitha dënimet do të shlyhen, Pambuku tha se skuadra e Tomorit do të bojkotojë ndeshjen kundër Bylisit dhe beratasit nuk do të udhëtojnë drejt Ballshit.
