Braziliani Luis Henrike ishte edhe afrimi i fundit në radhët e Kukësit. Mesfushori u fut në listën e verilindorëve për fazën përgatitore në Ohër të Maqedonisë.
Kampionët e Shqipërisë nuk kanë shumë alternativa në mesfushë dhe kjo bën që afrimi i Henrikes të kthehet në “domosdoshmëri”. Burime të ndryshme pranë kampit të Kukësit bëjnë me dije se futbollisti po paraqitet mjaft mirë me skuadrën dhe stafi teknik është i kënaqur me atë që po tregon Luis Henrike.
Mundësitë që të firmosë për Kukësin janë rritur, megjithatë gjithçka mbetet për t’u pare në ditët në vazhdim.