Spanja mori një nga fitoret më të thella të arritura në Kupën e Botës, pasi mposhti Kosta Rikën me rezultatin e thellë 7-0. Dy nga golat e shënuar mbajnë autorësinë e Ferran Torresit, i cili ishte një pikë kyçe në formacionin e Kombëtares iberike. Luis Enrike i dorëzoi çelësat e skuadrës dhëndrit të tij në përballjen kundër Kosta Rikës.
Sulmuesi i Barcelonës gëzonte edhe të drejtën e ekzekutimit të penalltive, çfarë tregon edhe një status të tijin në Kombëtare. 22-vjeçari spanjoll e ka shpërblyer besimin e Luis Enrikes, që njëkohësisht është edhe vjehrri i tij. Ferran Torres është në një marrëdhënie me vajzën e trajnerit të Spanjës, Sira Martinezit./Sport Ekspres/