Humbja e Gjermanisë ndaj Japonisë nuk është pritur mirë nga tifozët e “pancerave“ në Shqipëri. Donatori i Erzenit, Hasan Gurabardhi, është shprehur në emisionin “Botërori Katar 2022” në “Ora TV’ se do të preferonte të rrinte një javë pa dalë nga shtëpia pas kësaj disfate.
“Nuk të fal njeri. E kam fikur sot telefonin që në 13:30. Çfarë të bëj tani që jam në një punë që s’mund të mungoj, se do rrija 7 ditë me të zeza. 7 ditë do të rrija pa dalë nga shtëpia. Por jam në punë edhe nuk kam ç’të bëj. Është e dhimbshme. Gjermania me këto nivele… Është e vazhdueshme, ka 8 vjet“, ka thënë Hasan Gurabardhi./Halit Delibashi-Sport Ekspres/