Orges Shehi ka qenë i pranishëm përpara mediave pas përfundimit të ndeshjes mes Beshiktashit dhe Tiranës. Trajneri i bardhebluve është shprehur se ekipi i tij mund t’i shmangte të tre golat e pësuar. Megjithatë rezultati 3-1 nuk e tremb, pasi deklaron se ende ka shpresë për Tiranën.
“Ajo që mund të bëjmë nuk ka kurrë fund. Mund të bënim më mirë. Ne u përpoqëm të mos i jepnim hapësirë Beshiktashit dhe ia dolëm ta bënim këtë deri diku. Beshiktashi është një ekip i madh. Ne kemi qenë në gjendje të luftojmë kaq shumë. Ne mund t‘i kishim penguar të gjithë golat. Do të ishte më mirë për ne nëse nuk do të kishim pranuar golin e fundit. Ne kemi ende shpresë”, ka deklaruar Orges Shehi./Halit Delibashi-Sport Ekspres/