Liria e Prizrenit ka luajtur sot miqësoren e parë sezonale, pas disa ditësh stërvitje. Përballë 300-400 spektatorëve, Liria ka mundur 2-0 FK Onix të kategorisë së parë, me golat e Florent Avdylit e Mevlan Zekës.
Në pjesën e parë Shkëmbi hodhi në fushë rezervat dhe të rinjtë, me korçarin Kristi Kote që dhuroi një paraqitje shumë të mirë.
Golat erdhën në pjesën e dytë, kur të dyja palët bënë shumë zëvendësime dhe Liria luajti me titullarët, duke bindur në lojë. Shkëlqeu edhe sulmuesi Artur Magani, afrim i rëndësishëm veror.
Të hënën Liria do të udhëtojë për në Ohër, ku do të vazhdojë fazën përgatitore.
