Bajerni fitoi mbrëmë Superkupën e Gjermanisë, duke shpartalluar 5-0 Aintrahtin në Frankfurt, një sinjal i qartë se edhe këtë sezon futbolli gjerman ka pronar dhe me interesante është Bundesliga 2 apo Liga 3.
E veçanta e mbrëmjes së djeshme ishte tregolëshi i Robert Levandovskit (i nënti në karrierë me Bajernin), i cili shënoi 2 gola në pjesën e parë dhe një tjetër sapo nisi pjesa e dytë. Në çdo rast, festim duke vënë dorën te veshi, një mesazh për gjithë ata që e kanë kritikuar dhe fishkëllyer.
The best way to catch Real Madrid's attention?
Probably start the season with a hat-trick! Hats off to Robert Lewandowski… ?? pic.twitter.com/Oye7OnORI1
— Goal UK (@GoalUK) August 12, 2018
Në fakt, Leva i ka merituar kritikat, sepse për javë të tëra ka flirtuar me idenë e largimit dhe ndoshta përfitimin e ndonjë kontrate të re, me shifra sheikësh. Megjithatë, tashmë furtuna ka kaluar dhe Bajerni me të mirë e më të keq ia ka bërë të qarta gjërat polakut: Është nën kontratë, nuk ka ku shkon dhe nuk ka pse të kërkojë rinovim.
Dje Levandovski vendosi rekord, sepse asnjë futbollist nuk kishte shënuar më parë 3 gola në një finale Superkupe.
Përveç kësaj, me 5 gola në Superkupë, Leva është shënuesi më i mirë në historinë e kompeticionit, duke kaluar neo-zelandezin Uinton Rufer, autor i 4 golave me fanellën e Verder Bremenit.
? Hat-trick hero
? #Supercup champion
? New goal recordIt's a good day to be @lewy_official ? #MiaSanMia pic.twitter.com/XotuMjllqk
— FC Bayern English (@FCBayernEN) August 12, 2018