FA Cup është ktheyr në “Kupën e çudirave”, ku ekipe të një niveli të ulët dhe me lojtarë jo profesionistë kanë luajtur përballë klubeve elitare të Anglisë. Në radhët e Marine që u ndesh me Tottenham-in luante një lojtar që punonte si pastrues koshash dhe ndeshja u zhvillua në një terren aspak të zakontë për skuadrat e Premier League. Ndërsa një tjetër çudi erdhi nga sfida mes Crawley Town dhe Leeds, me ekipin e Bielsës që i thotë lamtumirë këtij kompeticioni që në hapat e parë.
Një turpërim 3-0 ndodhi për Leeds, që eliminohet nga një skuadër e Kategorisë së Tretë të Anglisë. Ndërkohë një tjetër ngjarje tërhoqi vëmendje gjatë takimit, teksa për vendasit bëri debutimin e tij edhe një yll televiziv, Mark Wright. Ky i fundit është 33 vjeç dhe nuk kishte qenë aktiv që prej vitit 2011./Halit Delibashi-Sport Ekspres/