Kukësi po kërkon që të zgjidh përfundimisht problemin e mbrojtjes, teksa është ekipi që ka pësuar më shumë gola në Superiore pas Skënderbeut dhe Apolonisë që gjenden në vendin e fundit të renditjes. Verilindorët kanë piketuar futbollist si kapiteni i Sileksit, Angelçe Timovski dhe njëkohësisht mbrojtësi i Vardarit, Viktor Velkoski. Ky është raportimi i “Infosport.mk” ku thuhet se palët kanë nisur negociatat.
Nexhipi e njeh më së miri futbollin në Maqedoninë e Veriut, ndërsa priten që këto përforcime të rrisin kualitetin e mbrojtjes së Kukësit. Në këtë kohë të fundit të merkatos ka pasur shumë marrëveshje mes klubeve në Shqipëri dhe Maqedoninë e Veriut që janë mbyllur me sukses për transferimet e futbollistëve. /Sport Ekspres/