Feronikeli dhe Prishtina do tentojnë titullin kampion deri në fund në Ipko Superliga e Kosovës, ndaj edhe të dyja klubet po punojnë të përforcohen edhe më shumë gjatë merkatos së janarit.
Skuadra nga Drenasi do të ketë në përbërje të saj edhe një mesfushor, i cili nuk është i panjohur për shkak se ka luajtur edhe më parë me ekipin e Feronikelit. Bëhet fjalë për Hamed Kone.
“Feronikeli ka arritur marrëveshje me mesfushorin nga Bregu i Fildishtë, Hamed Kone, që ta rikthejë në skuadër. 31-vjecari vjen nga klubi zviceran Xamax”, shkruan në llogarinë e tij në Facebook gazetari i Supersport Kosova, Arlind Sadiku.
