Xhani de Biazi është larguar nga Shqipëria dhe s’do të kthehet më. Të paktën s’do ta bëjë si trajner, pasi mund të vijë për pushime, në të ardhmen, pasi e duan të gjithë dhe ndihet si në shtëpi, nisur edhe nga nënshtetësia. Sakaq, në telefonin e tij mesazhet e përzemërta kanë qenë të shumta. Mes tyre edhe emra të mëdhenj, deri te Antonio Konte, që u shpall kampion në Premier League me Çelsin. Të gjithë pro trajnerit, që nuk është ndjerë vetëm, edhe pse do të kishte dashur një largim më të përzemërt.