Kukësi i këtij sezoni është një ndër skuadrat me kontingjentin më të plotë në Kategorinë Superiore. Por, presidenti Gjici nuk ka lënë pa harruar dhe stafin teknik. Sipas asaj që raporton “Telesport”, në stërvitjen e sotme të verilindorëve ka qenë i pranishëm dhe përgatitësi i ri atletik.
Bëhet fjalë për ish-përgatitësin atletik të Vllaznisë, Daniele Nervi. Eksperienca e parë e italianit në Shqipëri zgjati më pak se tetë muaj, por aq mjaftuan që ai të linte përshtypje nga më të mirat me punën e tij te skuadra shkodrane.
Nervi do të jetë ndihmësi i tretë i trajnerit i Armando Cungut, krahas zëvendës-trajnerit Rrahman Hallaci dhe trajnerit të portierëve Ermal Nexhipi.