Kukësi është kthyer në Shqipëri dhe sikurse kemi raportuar më parë, pritet që të zhvillojë edhe një ndeshje miqësore me Kastriotin. Më shumë gjasa do të zhvillohet ditën e premte. Klubi verilindor së fundmi ka dalë me një njoftim, por nuk ende nuk është përcaktuar se kur do të zhvillohet takimi me krutanët. Ndërkohë sa i takon përgatitjeve, ato do të zhvillohen paraditeve dhe kjo jo pa arsye.
“Pas mbërritjes nga faza përgatitore në Slloveni, ekipi i Kukësit bashkë me stafin ditën e sotme kanë marrë pushim. Nesër, trajneri Pacult në orën 09:30 të mëngjesit do të zhvillojë seancën stërvitore, e para pas kthimit të ekipit nga Sllovenia. Synohet që stërvitja të zhvillohet gjatë orareve të paradites në mënyrë që të shmangim temperaturat e larta të kryeqytetit tonë. Gjatë kësaj jave gjithashtu pritet të zhvillohet një ndeshje miqësore me ekipin e Kastriotit të Krujës që sivjet është ngjitur në Superligën shqiptare”, thuhet në njoftimin e klubit të Kukësit.