Robin Krasniqi ka mbrojtur me sukses titullin e “EBU” në divizionin e peshës super të mesme ( 73 – 76 kg ). Boksieri 31-vjeçar mposhti spanjollin Roni Landaeta, i cili vinte në këtë përballje me rekord të pampshtur prej 16 fitoresh në po aq duele. Krasniqi fitoi me vendim maxhoritar ( 120 – 107 ), ( 116 – 111 ), ( 116 – 110 ).
Raundi i parë krijoi idenë se do të ishte një duel me kohëzgjatje të shkurtër, pasi spanjolli Landaeta e pa veten të shtrirë në dyshemenë e ringut pas një goditje të fortë në nofull nga Krasniqi. Por, spanjolli ia doli të mblidhte veten duke e çuar fatin e duelit në duart e gjyqtarëve, të cilët vendosën të gjithë në favor të boksierit të lindur në Junik.