Fundi i këtij sezoni konfirmoi një tjetër dështim për Milanin, me kuqezinjtë që nuk arritën të siguronin një biletë për në UEFA Champions League.
Përgjegjësi i parë përveç trajnerit Gatuzo, është padyshim Leonardo, drejtori teknik i “Djallit”. Braziliani mori në dorë frenat e ekipit, por nuk arriti që të përmbushte objektivat dhe largimi i tij tashmë raportohet i sigurt.
“Gazzeta dello Sport” bën me dije se braziliani do të largohet nga Milani, me drejtuesit kuqezinj që kanë nisur të kërkojnë për zëvendësuesin. Sipas raportimeve nga mediat Leonardo do të rikthehet te PSG, me këta të fundit që nuk janë të kënaqur me drejtorin aktual dhe duket se kanë vendosur t’i besojnë një “ish”-i.