Kombëtarja kuqezi U17 e meshkujve do të luajë një turne në Turqi, në qytetin e Altinordu. Djemtë e drejtuar nga Elvin Beqiri do të jenë një nga 8 skuadrat që do të marrin pjesë në këtë kompeticion, i cili është i ndarë në dy grupe.
Shorti vendosi në grupin A kuqezinjtë tanë, grup ku marrin pjesë Turqia, Anglia dhe Moldavia. Këto takime do të zhvillohen mes datave 13-20 janar.
Janë mësuar dhe sfidat për kombëtaren tonë U17, që do e nisin përballë gjigantëve britanikë, me datë 14 janar. Më pas, të besuarit e Beqirit do tëa përplasen me Turqinë vetëm një ditë më vonë, për ta mbyllur me takimin e fundit përballë Moldavisë, me datë 17 janar.
Kalendari i ndeshjeve:
14 Janar 2019 Angli-Shqipëri ora 15:00
15 Janar 2019 Turqi-Shqipëri ora 12:00
17 Janar 2019 Moldavi-Shqipëri ora 15:00
19 Janar 2019 Finalja e vendit të 3-të ora 12:00
Finalja ora 15:00