Ena Koliçi i dha “lamtumirën” Kukësit pas plot 3 sezonesh. Edhe pse kontrata e pogradecarit përfundonte pas Europë, gjithçka është mbyllur që para aventurës europiane të Kukësit. “Gardiani” ka komentuar largimin nga Kukësi, ku ka theksuar se ishte një kërkesë e tij për t’u larguar. Po ashtu Koliçi shprehet se nuk ndjen keqardhje dhe se për të ardhmen do të vendosë pas pushimeve.
– Enea, lojtar i lirë, si ishte largimi nga Kukësi?
Po jam lojtar i lirë. Çdo gjë është bërë me mirëkuptim edhe këtu mbaron aventura ime me Kukësin.
– Rol vendimtar kishte lenia jashtë Europës, por sinjalet nga klubi janë dhënë prej fundit të sezonit të kaluar, por edhe në miqësoret gjatë fazës përgatitore.
– Jo nuk ka të bëjë kjo. Ishte vendimi im personal. Trajneri edhe presidenti e kanë respektuar këtë dëshirë edhe i falënderoj.
– A ka keqardhje për mënyrën e largimit, do të dëshiroje të kishte shkuar diçka ndryshe edhe pse kontrata përfundonte pas Evropës?
– Jo, aspak keqardhje. Siç e thash ishte dëshira ime vendimin im.
– Çfarë do rezervojë e ardhmja për Enean, ku do ta shohim sezonin tjetër në Shqipëri apo në ndonjë lige europiane?
– Nuk e kam vendosur ende ku do të vazhdoj. Tani do iki në Greqi të pushoj për disa ditë edhe pastaj me kujdes do vendos edhe për të ardhmen.
– Flamurtari përflitet si alternative, a ka diçka konkrete?
– Jo asgjë konkrete. Nuk di gjë.