Drita ka bërë surprizën e madhe mbrëmjen e sotme. Klubi shqiptar mori pjesë automatikisht në turin e dytë të Ligës së Konferencës dhe e ka justifikuar tërësisht faktin se ndodhej një vazo më lart se ekipet e tjera shqiptare. “Intelektualët“ e kanë nisur me një barazim në transfertë rrugëtimin e tyre europian për këtë sezon.
Skuadra nga Kosova ka mbajtur rrjetën të paprekur kundër një ekipi më të madh në letër si Viktoria e Plzenit. Përballja me çekët ka përfunduar në baraspeshë 0-0 dhe tashmë kualifikimi do të vendoset në ndeshjen e kthimi, e cila do të luhet një javë më vonë në Kosovë./Halit Delibashi-Sport Ekspres/