Kastrioti, që prej kohës kur ndodhej në fazë përgatitore në Bullgari, priste disa lojtarë afrikanë, të cilët kanë mbërritur dhe kanë nisur përgatitjet me ekipin. Bëhet fjalë për lojtarë në moshë të re nga Kameruni.
Adolf Enou është 20-vjeçari që luan në sulm. Lojtari në fjalë do rivalizojë për një vend titullari me Markun, Atsinën dhe Vatnikajn. Dy lojtarët e tjerë luajnë nga krahu dhe janë 19-vjeçarë.
Njëri prej tyre është Mba Duval, që ka provuar të luajë edhe në Gjermani, kurse tjetri Tabort Preston. Të tre këta lojtarë e kanë bërë edhe më të plotë ekipin e drejtuar nga trajneri Elvis Plori.