Pas fitores së Tiranës kundër Vllaznisë është bërë edhe më e vështirë që të parashikosh ekipin që do të fitojë titullin kampion në Superiore. Tashmë kemi mbërritur sërish në pesë skuadra që kërkojnë ta përfundojnë në vendin e parë kampionatin tonë. Por le t’i hedhim një vështrim kalendarit të Laçit, Teutës, Partizanit, Vllaznisë dhe Tiranës.
Sigurisht që në shumë raste kemi të bëjmë thuajse me të njëjtat përballje pasi jemi duke folur për kundërshtarët e gjysmës së ekipeve të kampionatit kur kanë mbetur edhe 6 javë nga fundi. Por për Laçin do të jetën përballjet më të vështira pasi ka 4 ndeshje “zjarri”. Kurbinasit do të luajnë ndaj Kukësit që nuk ka për ta hapur aspak rrugë në këtë derbi dhe që i duhet të reagojë në momentin kur të gjithë e kritikojnë për mungesën e personalitetit.
Më pas Laçit do të ketë edhe ndeshje kundër Tiranës, Teutës dhe Vllaznisë. Sa i përket Partizanit, disi të qetë do të jenë vetëm në këtë javë të kuqtë pasi do të përballen me Apoloninë. Menjëherë pas kësaj ndeshje nis edhe malorja pasi do të luajnë në Korçën e Skënderbeut që është kaq shumë e motivuar për mbijetesë. Një përballje kundër Memellit në këto momente është po aq e vështirë sa 90 minutësh me një rival direkt për titull.
Pas kësaj Partizani shkon në derbin ndaj Tiranës, për të vazhduar me Teutën dhe Vllazninë. Disi më i kënaqshëm është kalendari për bardheblutë që fillimisht do të ndeshen kundër Bylisit dhe për të vazhduar me Kastriotin. Të dy këto ekipe kërkojnë mbijetesën, por cilësia e titullit kampion duhet të bëjë diferencën. Të vetmet përballje “të vështira” në letër janë derbi ndaj Partizanit dhe ndeshja kundër Laçit, megjithëse kjo e fundit pritet në shtëpi. /Sport Ekspres/
Kalendari i Laçit
Laçi-Kukësi
Apolonia-Laçi
Laçi-Skënderbeu
Tirana-Laçi
Laçi-Teuta
Vllaznia-Laçi
Kalendari i Teutës
Vllaznia-Teuta
Teuta-Bylis
Kastrioti-Teuta
Teuta-Partizani
Laci-Teuta
Teuta-Apolonia
Kalendari i Partizanit
Partizani-Apolonia
Skënderbeu-Partizani
Partizani-Tirana
Teuta-Partizani
Partizani-Vllaznia
Bylis-Partizani
Kalendari i Vllaznisë
Vllaznia-Teuta
Kukësi-Vllaznia
Bylis-Vllaznia
Vllaznia-Kastrioti
Partizani-Vllaznia
Vllaznia-Laci
Kalendari i Tiranës
Bylis-Tirana
Tirana-Kastrioti
Partizani-Tirana
Tirana-Laci
Apolonia-Tirana
Tirana-Skënderbeu