Jusufi transferohet në Armeni, “ish”-i i Luftëtarit tek Arsenali malazez

0

Fatjon Jusufi u largua në dhjetor nga Renova dhe nënshkroi me Partizanin. Mesfushori me tipare sulmuese qëndroi tek të kuqtë deri në fund të muajit janar, ndërkohë që në klubin kryeqytetas ju bë me dije se nuk do të kishte hapësira në ekipin e parë.

Në këto kushte Jusufi kërkoi largimin dhe te Partizani nuk u bënë pengesë. Nga Maqedonia ai ka pasur disa oferta, por e ka parë të udhës të transferohet në Armeni. Jusufi do të jetë pjesë e Shirak, ku luan një tjetër ish-futbollist i Partizanit: Bunjamin Shabani.

RADOVIÇ – Anësori malazez për herë të parë është aktivizuar në Shqipëri me Flamurtarin, pa lënë gjurmë. Këtë verë ishte Luftëtarit që e bindi të rikthehej në Shqipëri. Gjithsesi Balsa Radoviç qëndroi te bluzinjtë deri në janar.

Më pas erdhi largimi e së fundmi ai ka gjetur edhe ekipin e ti. Radoviç rikthehet në Mal të Zi dhe do të luajë me Arsenal Tivat, klub që garon në ligën e dytë. Një hap pas për sulmuesin anësor, i cili në të shkuarën ka luajtur edhe në Slloveni e Greqi

You might also like
Leave A Reply

Your email address will not be published.