Laçi nuk po arrin rezultate të mira në këto takime të fundit. Nëse shohim pesë ndeshjet e fundit të kurbinasve nuk kanë arritur të fitojnë qoftë një prej tyre. Shumë e lidhin me mungesën e Lushkjes, që u transferua te Sherif Tiraspoli, por nuk është vetëm kjo arsye.
Gjithçka nisi dhe u mbyll në ndeshjen finale kundër Tiranës. Pikërisht në atë përballje ku bardheblutë fituan me shifrat 4-1 dhe në rast se do të dështonin, kampionati do të ishte i rihapur. Pas asaj humbje, duket qartë se ekipi i Josës nuk ka të njëjtin motivim si më parë. Gjithashtu edhe Mazrekaj që më herët ka qenë i pandalshëm, ka humbur pak nga forma e tij. /Sport Ekspres/