“Jo për mua, por për çdo shqiptar Anderlehti është maja e futbollit”, rrëfehet Abazaj: E kam pishman që…  

0

stanbulspori ka arritur të sigurojë play off-in që mund ti sjellë një biletë për në Superligën e turqisë. Një sezon mjaft pozitiv ky i ekipit turk, ku një kontribut të madh kanë dhënë edhe lojtarët shqitparë, Eduart Rroca dhe Kristal Abazaj. Ky i fundit ka dhënë një intervistë për emisionin “Sport Magazine” në “Ora Neës” të moderuar nga Drilon Xhepollari, ku tregon më tepër rreth paraqitjeve të tij me ekipin, planet në merkaton e verës si dhe pengjet e karrierës.

“Kemi arritur të marrim dy fitore që na janë dashur me patjetër për të siguruar play off-in, pasi për të dalë kampion nuk e arritëm. Golat e mi dhe performanca ime kanë arritur të ndihmojnë ekipin në këtë ecuri mjaft pozitive”.

Play Off-i

“Ne e njohim mjaft mirë Altain. Është një nga ekipet më të mira në kategorinë tonë. Kemi arritur ti mposhtim dy herë, si brenda edhe jashtë. Por ndeshja nuk i ngjan ndeshjes dhe besoj se do jetë mjaft e vështirë si për ne edhe ata. Tani tregohet vërtetë forca jonë. Që kur kemi ardhur te Istanbulspori kemi ardhur me ide të qarta, pasi pritshmëritë janë shumë të larta. Kemi ardhur këtu për Superligën dhe jemi në rrugën e duhur. Shpresoj t’ua kthej drejtuesve atë besimin e dhënë ndaj meje, sepse ata presin shumë“.

Rroca

“Rroca ka bërë një sezon fantastik në aspektin individual. Edhe ne si ekip na ka ndihmuar shumë, sepse kur gjithë ekipi nuk shkon mirë një lojtar individual duhet ta marri përsipër dhe Rroca e ka bërë në disa ndeshje deçizive. Jam shumë i lumtur për të, pasi e meritonte diçka të tillë sepse ka punuar shumë. E ka pasur të vështirë të vijë deri këtu. Të shikojmë tani në fund të sezonit, çfarë të jetë më e mira për të“.

E ardhmja

“Deri tani jam i fokusuar këtu. Të gjithë kampionatin e luajmë në këto dy ndeshje. Shpresoj të arrijmë ato objektivat tona, pasi e meritojmë. Jo se e them unë po e thonë të gjithë që Istanbulspori ka ekipin më të bukur në ligë. Por kemi qenë të pafatë dhe kemi bërë disa gabime tonat. Por nëse nuk arrijmë të ngjitemi në Superligë i kemi disa opsione tonat bashkë me manaxherët. Ata merren me këtë punë. Çfarë të jetë më e mira do vendosim. Ofertat vijnë në bazë të ndeshjeve. Kam zhvilluar ndeshje mjaft të mira. Po arrij në 100% tim. Nëse gjërat nuk shkojnë mirë do e bëj një lëvizje. Deri tani është Superliga turke, sepse është një kampionat shumë i mirë, ka një shikueshmëri shumë të lartë”.

Periudha me Anderlehtin

“Jo për mua po për çdo futbollist shqiptar Anderlehti është maja e futbollit. Arritja më e madhe në jetën time si futbollist profesionist ka qenë nënshkrimi i kontratës me Anderlehtin. E kam diku edhe si pishman që nuk arrita asnjëherë të tregoj aftësitë e mia dhe të tregoj potencialin tim. Por këto i ka futbolli, ndikoi përshtatja dhe dëmtimi. Mund të them se ka qenë një nga gjërat më të bukura që kam përjetuar unë. Tani ajo është diçka që e kam lënë pas“,ka thënë Kristal Abazaj./Halit Delibashi-Sport Ekspres/

You might also like

Leave A Reply

Your email address will not be published.